Ning Pawt Ning Hpang Kaw nna Shingran Laika Kaw du hkra na, Kawa a masin salum Kaw nna hkrap marawn ai ga.

Kawa a Tsaw ra Laika
Nye Kasha (ma)

Nang gaw ngai hpe nchye na ndai, Raitin ngai gaw na a lam shagu hpe chye nga nngai.
(Shakawn Kungdawn 139:1)  Nang galoi dung ai the rawt ai hpe ngai chye nngai.
(Shakawn Kungdawn 139:2)  Ngai gaw na a lam yawng hte hpe chye chyap nngai.
(Shakawn Kungdawn 139:3)  Na a baw na kara singgawng shagu hpe ngai hti yu nngai.
(Mahte 10:29-31)  Hpa majaw nga yang nang hpe nye a hkrang bung zawn hpan da sade
ai. (Ning Pawt Ning hpang 1:27)  Nang gaw ngai hta nga nga nna shamu shamawt let
sak hkrung nga ndai. (Kasa 17:28)  Kaning rai nme law nang gaw nge a kashu kasha
matu mara rai nga ndai. (Kasa 17:28)  Ngai nang hpe nnu a hkritung e garai n sha
chyaw yang pyi, chye nngai. (Yeremia 1:4-5)   Ngai  nang  hpe  hpan  da  na  matu  myit
shatawng da ai kaw nna nang hpe lata san da ni ai. (Ehpesu 1:11-12)  Nanhte n-shut
myit dai. (Shakawn Kungdawn 139:15-16)  Hpa majaw nga yang na  na ning htoi ni
yawng hpe nye a laika buk hta ka da nga sai. (Shakawn Kungdawn 139:15-16)  Na
shangai duhkra ladaw the nang kanang nga na bu ga jarit hpe ngai myit jahkut da sai.
(Kasa 17:26)  Nang gaw hkrit hpa mau hpa lam hkan nne hpan da hkrum nit dai. (SKK
139:14) Ngai nang hpe na nnu a kan hta shachyaw hkang da ya ni ai. (SKK 139:13)  Dai
the maren nang shangai na shani hta shangai shangun dat se ai. (SKK 71:6)  Ngai hpe
nchye ai ni a shangun dat ai hkrum ni ai. (Yawhan 8:41-44)  Ngai kaw ntsan gang ai the
n pawt sin dawng ai, hkum tsup ai tsaw ra myit shadan dan ai wa rai nngai. (1 Yawhan
4:16)  Dai hte maren nye a ra sharawng ai gaw nanhte a ntsa e nye a tsaw ra myit
shalaw jahtam ya na matu rai nga ai. (1 Yawhan 3:1)  A san sha hku, nang gaw nye
kasha, ngai gaw na a kawa rai nga ai. (1 Yawhan 3:1)  Ngai gaw nang hpe na a dinghte
ga na kawa hta grau ap nawng ya lu nngai. (Mahte 7:11)  Hpa majaw nga yang ngai gaw
hkum tsup ai kawa rai nngai. (Mahte 5:48)  Nang kaw du ai kumhpa kaja shagu gaw nye
lata kaw na rai nga ai. (Yaku 1:17)  Ngai gaw nang hpe jaw ya ai wa hta n-ga na a ra
mara hpe chye ya ai wa re. (Mahte 6:31-33)  Na a du na ra ai ten na matu myit shadaw
ya ai gaw myit mada hpa the hpring nga ai. (Yeremia 29:11)  Hpa majaw nga yang nang
hpe ngai n-htum n-wai ai tsaw ra myit hte tsaw nga ai.  (Yeremia 31:3)  Na matu ngai
myit mang ai lam gaw zai bru hta grau law nga ai. (SKK 139:17-18)  Na ntsa e ngai
mahkawn let pyaw nga nngai (Zehpani 3:17)  Na matu kaja ai lam galoi mung matut
galaw nga na nngai. (Yeremia 32:40)  Nang gaw ngai lu ai gun rai, rai li ai. (Prumat
19:5)  Ngai nang hpe nye myit masin mahkra hte skakat ya mayu nngai. (Yeremia
32:41)  Ngai nang hpe nye a kaba la ai hte hkik hkam law htam ai rai ni hpe madun
mayu ai. (Yeremia 33:3)  Na masin salum mahkra hte ngai hpe tam yang nang ngai hpe
mu na rin dai. (Tara Jahprang 4:29)  Ngai kaw kabu nga u.  Shaloi na masin salum hta
1ra ai hpe ngai jaw na nngai. (SKK 37:4)  Nang hpe dai nang ra sharawng ai jaw lu ai
gaw ngai rai nngai. (Hpilipi 2:13)  Nang myit mang da ai lam hta grau nna ngai shabyin
ya lu nngai. (Ehpe 3:20)  Hpa majaw nga yang, ngai gaw na a kaba dik ai n-gun jaw ai
wa rai nngai. (2 Htesa 7:16-17)  Dai hte n-ga ngai gaw nang yubak hkrum ai ten hta
shalan ya lu ai kawa rai nga ai. (2 Korinhtu 1:3-4) Nang myit daw hten yang ngai nang
hte htep sha rai nga nngai. (SKK 34:18)  Sagu ram wa sagu kasha hpe pawn da ai zawn,
ngai nang hpe nye salum hte htep pawn da nngai. (Asaia 40:11)  Lani mi hta, na a myi
na myi prwi si hpe katsut ya na nngai (Shingran 21:3-4)  Ndai mung kan ga hta na a
machyi hkam sha ai hpe tsaw ra nngai. (Shingran 21:4)  Nye a kasha yesu hpe tsaw ra ai
zawn nang hpe tsaw ra nngai. (Yawhan 17:23)  Hpa majaw nga yang, yesu hta ngai
nang hpe tsaw ra ai lam shaleng shadan dan ni ai. (Yawhan 17:26)  Shi gaw nye a gawng
shingyan, a hkrang sumla malai rai li ai. (Hebre 1:3)  Shi (madu yesu) gaw, ngai gaw na
matu nang hpe n htan shai ai n re ngu ai lam hpe shaleng nga ai. (Roma 8:31)  Ngai gaw
na a mara hpe n hti yu ya na ngu ai hpe tsum dan na. (2 Korinhtu 5:18-19)  Yesu gaw
nang hte ngai a lapran e htinglu hting lai na matu si hkam sai. (2 Korinhtu 5:18-19)  Shi
a si hkam ai lam gaw na a matu nye a tsaw ra myit madun ai lam madung rai nga ai. (1
Yawhan 4:10)  Ngai na sharawng ai lam shagu hpe ngai a sum jaw sai tawn kau sai, dai
gaw na a tsaw ra myit lu na matu re. (Roma 8:32)  Nye kasha yesu a kumhpa hpe hkap
la jang, ngai hpe hkap la ai re. (1 Yawhan 2:23)  Hpa wa rai timung nye a tsaw ra myit
kaw na nang hpe galoi mung jahka kau lu na nrai. (Roma 8:38-39)  Nta de wa rit, shaloi
sumsing lamu hta galoi mung nmu yu ai  kabu hpa poi kaba hpe galaw ya na nngai.
(Luka 15:7)  Ngai gaw na kawa re hte maren galoi na kawa mung rai nga na nngai.
(Ehpesu 3:14-15)  Nye a ga san gaw -- nang nye kasha tai na nni? (Yawhan 1:12-13)
Ngai nang hpe la nga na nngai. (Luka 15:11-12)
       
                  Tsaw ra let, Na Wa
                                                                  N Htum Nwai Kyalai N-gun
        Rawng ai Karai Wa
Kachin Father’s Love letter ©2008 FathersLoveLetter.com