Genisis in Biathlam tiang Pa Pathian Kawhnak aw…

Ka Dawt Kafa,

Nang nih cun na ka hngal men lailo. Asinain kei nih cun na zeizongte kha fiangte in kan
hngalh dih ko(Sam 139:1).
Na thut na dir zong kha ka hngalh dih ko(Sam 139:2).
Na kal nak lam kha fiang te in ka hngalh dih ko hna(Sam 139:3).
Na lu cung sam hmanh kha pei ka rel khawh dih hna cu(Matt 10:29-31).
Zeicatiah nang cu keimah muisam keng in ser na rak si ca ah(Gen 1:27).
Nang cu ka chung ah a nung i, a cawlcang i sining a ngei mi na si(Lam 17:28).
Zeicatiah nang cu ka chung chuak na si ca ah(Lam 17:28).
Na nu paw chung in na rak sem hlan hmanh khan ka rak in hngalh cang(Jer 1:4-5).
Thil ser ding ka rak i timhtuah ah khan ka rak in thim cang(Efesa 1:11-12).
Ser palh sual mi na rak si hrim lo(Sam 139:15-16).
Zeicatiah na nunnak ni dihlak hna hi ka cauk cazin chung ah khumh cia dih mi an si(Sam 139:15-16).
Na chuahni le na um nak ding hmun hna kha keimah khiah ning in an si dih(Lam 17:  26).
Nang cu tihnung le khuarauhhar in ser na rak si(Sam 139:14).
Na nu paw chung ah khan thate in ka rak in funtom(Sam 139:13).
Cun na chuah ni thok in an cawmtu kha keimah ka si(Sam 71:6).
A ka hngallo mi nih cun ka bia sullam kha an thei kho tawn lo(Johan 8:41-44).
Kei  cu lamhla zong ah ka um lo  i ka thin zong a hung fawn lo, dawtnak tlamtling aa langhnak tu ka si deuh(I Johan 4:16).
Ka duhbik mi cu na cung i ka dawtnak langhter hi a si(I Johan 3:1).
Zeicatiah nang cu ka fa na si i kei cu na pa ka si(I Johan 3:1).
Vulei na pa nih an dawt khawh leeng pi in kan dawt(Matt 7:11).
Zeicatiah kei cu a tlamtling mi na pa ka si(Matt 5:43).
Laksawng tha na hmuh mi vialte zong hi keimah sin in a ra mi an si(James 1:17).
Zeicatiah kei cu an zohkhenhtu le  na herhmi thil vialte an tuah  piak tu ka si(Matt 6:31-32).
Na hmailei ca i khurkhua kan ruahpiak poh ah hin ruahchannak in ka khat(Jer 29:11).
Zeicatiah nang cu a donglo mi dawtnak in kan dawt(Jer 31:3).
Nangmah kong i khua ka ruahmi hi rili kam thetse zatnak hin an tam deuh(Sam 139:17-18).
Cun nangmah ruang ah hin lomhnak hla ka sa tawn(Zefaniah 3:17).
Na ca i thiltha tuah hi ka ngol kho lai lo(Jer 32:40).
Zeicatiah nang cu ka khonchaw na si ca ah(Exodus 19:5).
Nangmah sersiam hi ka thinlung le ka nunnak dihlak in ka duh mi asi(Jer 32:41).
Cun thil lianngan le khuaruahhar thil hna hi hmuhsak kan duh(Jer 33:3).
Na thinlung dihlak in na ka kawl ahcun na ka hmuh ko lai(Deut 4:29).
Ka thladem ah i dor law na thinlung nih a duhmi kha kan peek hna lai(Sam 37:4).
Zeicatiah cu bantuk in duhnak thinlung an neih ter tu cu keimah thiamthiam ka si(Filipi 2:13).
Na lung in na ruah khawh mi nak leeng khin na ca ah thiltha ka tuah khawh hna (Efesa 3:20).
Zeicatiah an thawntertu bik cu keimah hi ka si (II Thesalon 2: 16-17).
Harnak na ton mi kip ah an hnem tu na pa zong ka si(II Korin 1:3-4).
Lungsi vang in na um tik ah khan kan naih lai(Sam 34:18).
Tukhal nih tu fate a cawi tawn bantuk khin nang cu ka thinlung he aa naihnak ah kan cawi i  kan chiah( Isa. 40:11).
Nikhatkhat ah cun na mitthli vialte kha kan hnawh piak dih te lai(Biat. 21:3-4).
Cun vulei i harnak na in vialte kha kan lakpiak dih te lai(Biat. 21:4).
Nang cu ka fa na si ca ah ka fapa Jesuh ka dawt tlukte khan kan dawt ve ko(Johan 17:23).
Kan dawtnak cu Jesuh in ka langhter dih ko cang kha!(Johan 17:26).
Amah cu ka sining kha fiang bik in a langhtertu a si(Heb 1:3).
Cun amah a rat chan cu nangmah ralchanh ding ah si lo in nangmah ca ah ka si zia kha langhter awk ca ah asi( Rom 8:31).
Cun na sualnak hna kha kaa cinken hna lo zia langhter awk ah a si fawn(II Korin 5:18-19).
Nang le kei kan i rem khawh nak hnga ca ah Jesuh kha a rak thi(II Korin 5:18-19).
Kan dawtnak a langhnak cu a thihnak kha asi ko(I Johan 4:10).
Nangmah dawtnak kha ka hmuh khawhnak hnga tiah kei cu ka dawtmi vialte kha ka hlawt dih hna(Rom 8:32).
Ka fapa Jesuh nih an peek mi laksawng kha na cohlan hna ahcun na ka co ve ko lai(I Johan 2:23).
Cu tikah cun zei thil hmanh nih kan dawtnak hin an then kho ti lai lo(Rom 8:36-39).
Ka fa, inn ah rak tin law vancung ah a nganbik puai kan tuah lai(Luk 15:7).
Na pa ka rak si zuingzal ko i hmai lei zong ah ka si zungzal ko lai(Efesa 3:14-15).
Kan hal duh mi cu.."ka fa na si kho hnga maw" ti asi(Johan 1: 12-13).
Kan hngah peng ko lai (Luke 15:11-12).

Dawtnak in,
Na Pa, A liannganmi Pathian.
Used by permission from Father Heart Communications. Copyright @ 1999. www.FatherLoveletter.com