Genesis atanga Thupuan chhunga Pa thinlung au aw..........

Ka fa………

Nangin mi hrelo thei e,
Mahse kei erawh chuan I engkim hi ka hria asin (Sam.139:1)  I thu leh I ding mai bakah (Sam.139:2)  I
kawng engkim hi ka hriat bel sak che asin (Sam.139:3)  chumai ni lovin I lu a samzai tin na lam hian ka
chhiarchhuah sak che (Matt.10:29-31)  Ka anpui ngei a siam I nih bakah (Gen.1:27)  Nanghi ka ril a
rah ka fa diktak chi I ni e (Tirh.17:28)  I nu in a pai hma daih tawh a tang che khan ka mi hriat I lo ni
tawh a nia (Jeramia 1:4-5)  He khawvel ka din tirh daih tawh khan engkim hi I tan ngaihtuah sak che
in a awm tawh (Ephi.1:11-12)  Chuvangin tihpalh a lo piang chu I ni hauh love (Sam.139:15-16)  I
nitin hun hman dan te hi ka lehkhabu ah ka chhinchhiah sak dap che a (Sam.139:15-16)  I pian hun
tur leh I lo sei lenna hmun tur ten a lam hian ka lo ruat fel sak sa vek che a sin (Gen.17:26)  Ka siam
dan reng ah che pawh hian thil siam dang te ang  lo tak in mak tak leh hlauhawm tak a siam I ni
(Sam.139:14)   Chutiang tur chuan I nu chhul a I awm lai a tang tawh khan ngunthluk takin ka lo veng
tawh che a (Sam.139:13)  I pianni hmu thei tur che hian ka enkwal chhunzawn zel bawk che
(Sam.71:6)  Mi hrethiam lo tu ten I hnenah ka inpuanna tur leh ka kawng kawh hmuh tur te ti khaihlak
thin mahse (John.8:41-44)  Thinur lovin ka hmangaihna famkim hi ka ti lang zawk thin (1 John.4:16)
Ka duh ber zawk chu ka hmangaihna I chunga laihbuak hi a ni (1 John.3:1)  Tluangtlam tak a sawi
chuan heng te hi pafa kan nih vang ani (1 John.3:1)  Keihi Pa pangngai mai lovin tlakchham reng neilo
pa ka ni (Matt.7:11)  Lei a I pa in a pek theih loh leh a tih sak theih ngai loh tur che hi ka hlan fo thin
che (Matt.5:48)  Thil tha I dawn zawng zawng te hi ka kut a ta I dawn vek te an ni (Jakoba.1:17)  I
mamawh chakkhai te ka hriatsak thin mai che bakah ka phuhhruk sak thin che (Matt.6:33)  I hmahun
a tan hian beiseina lian tak ka neih sak bawk che a nia (Jeramia.29:11)  A chhan chu ka hmangaihna
che hi chatuan hawlhtlang hmangaihna a ni (Jeramia.31:3)  I chunga ka rilru sen leh ka beiseisak
nache hi tuifinriat kama tiau vaivut te zat ang mai in chhiar sen rual a ni lo (Sam.139:17-18)
Nangmah a vang hian ka hlim a nang nen a zai tur hi ka lawman a ni fo thin (Zephania.3:17)
Chuvangin I tana thil tha tih sak che hi eng tikah  mah ka ti tawp ngai lovang (Jeramia.32:40)  A
chhanchu nang hi ka rohlu leh ka neihchhun chu I ni (Exodus.19:5)  I hnenah ka thinlung leh ka
thlarau ka phum hnan e (Jeramia.32:41)  Chumaibakah thil ropui leh thil mak tamtak te ka la entir zel
ang che (Jeramia .33:3)  I thinlung zawng zawng a mi I zawn chuan I hmuhtheihah ka awm reng bawk
ang (Deuteronomy.4:29)  Ka chugah I lung nih reng phawt chuan I rilru hisap ka tih hlawhtling sak
ziah bawk ang che (Sam.37:4)  I rilru hisap te pe thin tu che chu kei bawk hi ka ni (Philip.2:13)  I rilru
suangtuah theihna ai a ropui zawk leh sang zawk te  hi ka tihsak thei reng che a nia (Ephi.3:20)
Chumaibakah nangmah fuih tu leh hnem thei tu che zingah ka ropui ber ang (II Thess.2:16-17)  Harsat
buaina leh manganna I tawn nite pawh a hnem thin tu che kha kei tho hi a sin ni (II Korin.1:3-4)  I
lungchhiat niah te I bul hnaiah ka awm reng thin ang (Sam.34:18)  Berampuin a beramte a hruai thin
angin ka rilru bulhnaiah ka hruai thin che a nia (Isa.4:10)  I lungchhiatna kawngah I mit ata mituite ka
hrukfai sak ang che (Thupuan.21:3-4)  Chumaibakah he khawvela harsatna chi hrang hrang lakah ka
chhanhim zel ang che (Thupuan.21:4)  Ka hmangaihna che hi ka fapa Isua ka hmangaihna nen
thuhmun reng an ni e (John.17:23)  Ka fapa Isua kha en la eng khawp hian nge ka hmangaih che tih hi
I hre thei ang (John.17:26)  Amah hi ka aiawh a chu a ni ngei asin (Heb.1:3)  Ka hmangaih zia che te,
ka tana I thupui zia te leh I sual ka chhinchhiah ngai loh tur thu te rawn hrilh tur che in a rawn kal (I
Korin.5:13-19)  Amah avang liau liau hian kan inkarah inremna a lo awm  theih phah a ni (II
Korin.5:18-19)  Isua thihnaah hian ka hmangaih zia che I hmu thei mai ang (I John.4:10)  Mi
hmangaih ve theih nan tiin ka hmangaih te ka lo chan tawh asin (Rom.8:32)  I tan a ka pek che Isua hi I
lo pawn chuan kei mi pawm nen a in ang reng e     (I John.2:23)  Chumi hnuah chuan eng thil mah
hian ka hmangaihna lak ata hi mi then tawh ngai lovang (Rom.8:38-39)  Inah rawn haw leh la, vanah
pawh an la hmuh ngai loh ruai ropui ka lo buatsaih sak ang che (Luk.15:7)  I tan pa ka lo nih tawh thin
angin ka la ni chhunzawm  leh zel fo vang (Eph.3:14-15)  Ka zawh duh che chu ka fa nih I duh em?
(John.1:12-13)  I chhanna ka nghak reng e (Luk.15:11-32)
                                                                                                                                            Hmangaih, I pa
                                                                                                                Engkimtithei Pathian
Mizo Father’s Love letter ©2008 FathersLoveLetter.com