Rópið frá einum faðirs hjarta frá 1. Mósebók til Johannesar Opinbering...
Barn Mítt…
Tú kennir meg kanska ikki, men eg veit alt um teg. Sálmur 139:1
Eg veit nær tú situr og nær tú stendur. Sálmur 139:2
Eg kenni allar vegir tínar. Sálmur 139:3
Sjálvt hvørt hár á høvdi tínum havi eg talt. Matt. 10:29-31
Tí tú vart skaptur í mínum bílæti. 1. Mós. 1:27
Í mær livur tú, rørist tú og ert til. Ápl. 17:28
Tí tú ert mín ætt. Ápl. 17:28
Eg kendi teg, áðrenn tú vart til í móðurlívi. Jer. 1:4-5
Eg valdi teg frammanundan, tá eg legði til rættis skapanina. Ef. 1:11-12
Tú var ikki ein feilur, tí allir dagar tínir eru uppskrivaðir í bók míni. Sálmur 139:15-16
Eg havi ásett tíðina fyri tíni føðing og hvar tú skalt búgva. Ápl. 17:26
Tú ert virkaður so ómetaliga undurfult. Sálmur 139:14
Eg havi vovið teg inn í móðurlívið. Sálmur 139:13
Eg havi ført teg til lívið, tann dagin tú vart føddur. Sálmur 71:6
Tey, sum ikki kenna meg, hava sagt ósatt um meg, givið eina skeiva mynd av mær. Joh. 8:41-44
Eg eri ikki langt burtur og vreiður, men eri tann fullkomna myndin av kærleika. 1. Joh.br. 4:16 Tað er mítt ynski at yviroysa teg við mínum kærleika, bara tí at tú ert mítt barn og eg eri faðir tín..1. Joh.br. 3:1
Eg kann geva tær meira enn jørðiski faðir tí nakrantíð kann. Matt. 7:11
Tí eg eri hin fullkomni faðirin. Matt. 5:48
Allar góðar gávur, sum tú fært, koma av míni hond. Ják. 1:17
Tí eg syrgi fyri tær og metti allan tín tørv. Matt. 6:31-33
Mín ætlan fyri framtíð tína er merkt av friði, og hevur altíð verið full av vón. Jer. 29:11
Tí eg elski teg við einum ævigum kærleika. Jer. 31:3
Mínir tankar um teg eru endaleysir, líka sum sandurin á strondini. Sálmur 139:17-18
Og eg gleðist yvir teg við sangi. Zefaniasar bók 3:17
Eg vil ongantíð halda upp at við at gera gott í móti tær. Jer. 32:40
Tí tú ert mín dýrabara ogn. 2. Mós. 19:5
Eg ynski at vaksa fram í tær, av øllum mínum hjarta og allari sál míni. Jer. 32:41
Og eg skal vísa tær tað, ið er stórt og undurfult. Jer. 33:3
Um tú søkir meg av øllum hjarta tínum, skalt tú finna meg. 5. Mós. 4:29
Gleð teg í mær, og eg skal geva tær alt, ið hjarta títt tráar eftir. Sálmur 37:4
Tí tað var eg, ið gav tær hesi ynski. Fil. 2:13
Eg megni at gera meira fyri teg, enn tú ert mentur at skilja. Ef. 3:20
Tí eg eri tín størsta troyst. 2. Tess. 2:16-17
Eg eri eisini faðir tín, ið troystar teg í øllum trongdum tínum. 2. Kor. 1:3-4
Tá hjarta títt er mótfallið, eri eg nær hjá tær. Sálmur 34:19
Sum ein hirði, ið ber seyðin, havi eg borið teg nær mínum hjarta. Es. 40:11
Ein dag skal eg turka hvørt tár, av eygum tínum Opinb. 21:3-4
og taka burtur alla pínu, ið tú hevur havt her á jørðini. Opinb. 21:3-4
Eg eri Faðir tín, og eg elski teg, líka sum eg elski son mín, Jesus. Joh. 17:23
Tí gjøgnum Jesus er kærleiki mín opinberaður tær. Joh. 17:26
Hann er ímyndin av mær. Hebr. 1:3
Hann kom fyri at vísa, at eg eri við tær og ikki ímóti tær. Róm. 8:31
Og fyri at siga tær, at eg ikki telji syndir tínar. 2. Kor. 5:18-19
Jesus doyði, so at tú og eg kundu gera sátt við hvønn annan. 2. Kor. 5:18-19
Deyði hansara var kærleiki mín til tín. 1. Joh.br. 4:10
Eg spardi ikki mín elskaða son, Róm. 8:31-32
so eg kundi vinna tín kærleika. Róm. 8:31-32
Um tú tekur ímóti gávuni, sum er Jesus, tekur tú í móti mær. 1. Joh.br. 2:23
Og einki skal aftur kunna skilja teg frá kærleika mínum. Róm. 8:38-39
Kom heim og eg skal gera eina veitlsu fyri tær, tann stórsta, ið himmalin nakrantíð hevur
sæð. Luk. 15:7
Eg havi altíð verið faðir tín, og vil altíð vera faðir tín. Ef. 3:14-15
Mín spurningur er "Vilt tú vera mítt barn? Joh. 1:12-13
Eg bíði eftir tær. Luk. 15:11-32
…Kærar Heilsanir Pápi Tín –
Tann Almáttugi Guð
Used By Permission Father Heart Communications Copyright 1999-2003 www.FathersLoveLetter.com Faroese FLL Translated by Finngerð Djurhuus Olsen
Nenhum comentário:
Postar um comentário